CORDUBA

CORDUBA

Baeticae Hispaniae urbs clarissima, Episcopalis utriusque Senecae, Lucani, magni Capitanei Gonzales, Ivan Menae, Poetae Hispani. Ambrosii Moralis, Historici patria, ad fluv. Quadalquivir. Martialis, l. 1. Epigr. 62. ad Licinianum, v. 7.

Duosque Senecas, unicumque Lucanum

Facunda loquitur Corduba.

Quamquam Tullius Cordubenses Poetas irridet, in oratione pro Archia. Fertilitas eius, et dives cultus scriptoribus laudatur. Silius, l. 3. v. 401.

Nec decus auriferae cessavit Corduba terrae.

Martialis, l. 9. Epigr. 62. v. 2.

Qua dives placidum Cordaba Baetin amt.

Hodie Cordova. Hîc Averroes et Avicenna docuerunt. Mariana, Boter. relat. Hisp. Plinius tradit, l. 3. c. 1. Coloniam Patriciam cognominatam, quod etiam Ambrosius Moralis ex eius antiquis marmorum inscriptionibus ostendit. Sed et Augusti Imperatoris aereus nummus videtur, cum literis COLONIA PATRICIA. Corduba, inquit Bochartus, l. 1. Chanaan, c. 34. Arabice dicitur Corteba, insertô R. (de quo vide in Sardinia) Corteba autem Syris est trapetum, seu mola olearia. Iam vero Cordubae, et in vicinis locis magna vis fuit trapetorum. Statius in Lucani Genthliaco, l. 2. Sylv. 7. v. 28.

Quae Tritonide fertiles Athenas

Unctis, Baetica provocas trapetis.

Baetica, i. e., ea pars Baeticae potissimum, quae est circa Cordubam. Agitur enim de Lucani patria, quae Cordubensis erat. Nec alio referenda haec Martialis, l. 7. Epigr. 27. v. 3.

Nec Tartessiacis Pallas tua, Fusce, trapetis

Cedat. ---- ----

Idem enim de Corduba nominatim, l. 12. Epigr. 64.

Uncto Corduba laetior Venafro.

Ubi Cordubam cum Venafro confert, Campaniae oppido, cuius ager est olei feracissimus, ut in Venafro postea videbimus. Erat haec urbs, sub Romanis et Mauris, quibus ibi Moschea, post Mechanam, celeberrima, magni nominis. Ex his Abderamen, plurimos ob Christi fidem suppliciis affecit, A. C. 857. paulo post subitâ exstinctus morte, Rodcric. Toletan. Ibi Concilium ab Osio Episcopo habitum, A. C. 348. Pseudosynodus saecul. 9. contra illos, qui pro defensione Religionis Christianae, a Mauris impetitae, Martyrio se offerebant. Eulog. memor. Sanct. l. 2. c. 9. et seqq. Baron. A. C. 851. n. 5. etc. Item Corduba mons Lusitaniae, qui Corvan vulgo dicitur, teste Andr. Resendiô. Nic. Lloydius.